wahi comment, wahi like

Reading Time: 2 minutes

pichle guruwaar ko maine apna facebook account deactivate karne ki koshish ki. koi khaas wajah nahi hai. koi tanav bhi nahi hai. mann ubb gaya hai. wahi har comment mein lol. wahi har ladki ki profile pic pe 50+ likes. comment – like, like – comment.  wahi har ice-cream jo aapne khaayi uska awesome taste ka status update, wahi purana sms double-meaning joke, wahi har comment ke end mein colon p, aaye din apne profile se har chindi photo se apna tag hatana.

shikayat nahi hai. ab facebook pe sign up kiya hai toh itna toh hoga hi.

ajeeb sa ehsaas hai mann mein. ajeeb. jaise roj naya din nikalta hai, main wahi purana hoon, facebook wahi purana hai, waise hi chale jaa raha hai. mujhe laga yeh deactivate button pe click karta hoon aur main isse nikal jaata hoon.

toh kiya kyun nahi?

teen wajah. pehli. jo maine itne doston ko apne photos mein tag kiya hai, unki photo chali jayegi. maine socha apna sukun paane ke liye doosron ki profile kyun barbaad karoon. doosri. mera friend hai munna. kal uska janamdin tha. maine uski janamdin ki tasveerein facebook pe daal ke tag kar rakhi thi. log uspe comment aur like kar rahe the. maine socha ki main apna account delete kar doonga toh iski do pal ki khushi kho jayegi. teesri. jaise hi main deactivate button pe click karna waala tha, mujhe ek awaaz sunayi di. dekha toh pata chala, kissi khidki (chat window) se awaz aa rahi thi. khidki kholi toh dekha, ek khoobsurat ladki, jisse main hamesha baat karna chahta tha, woh aaj mujhe khud ‘Hi’ keh rahi thi. maine socha ki iss khoobsurat ladki se batiyate-batiyate toh yahan se nahi nikla jaa sakta hai. maine usse ‘bbye, tc’ bola aur khidki band ki. lekin jaise hi khidki band ki aur waapas deactivate waale page par aaya, toh woh moment chala gaya. woh tut gaya. phir mera account deactivate karne ka mann nahi kiya.

issi ko facebook ka maya-jaal kehte hain, mere dost.

4 Replies to “wahi comment, wahi like”

    1. However, I didn’t have the 3rd reason to hold me to facebook 🙁 and hence, I was able to deactivate my account (though in all likelihood, just temporary exile).

Leave a Reply